Plantun de Prouvènço

Pèr coumpara dos planto d'encò nostre

Crepis albida & Aegilops cylindrica

Crepis albida

Asteraceae Compositae

Noms en français : Crépide blanchâtre, Crépis blanchâtre.

Descripcioun :
Aquéu lachassoun, trachis majamen en basso mountagno dins li tepiero seco e lis esboudèu. Es uno planto pelouso emé de fueio basalo un pau dentado e de fueio de la cambo que l'embrasson. Se recounèis subretout à si bratèio bourdado de blanc, alor que li ligulo soun souvent d'un jauno clar. Lis akène dóu mitan an quàsi pas de bè .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 3 à 4 cm
Flourido : Printèms - Estiéu

Sòu : Ca
Autour basso e auto : 400 à 2200m
Aparado : Noun
Jun à juliet

Liò : Tepiero seco - Cresten venta - Esboudèu - Roucas
Estànci : Subremediterran à Mountagnard
Couroulougi : Estenoumediterrano-Ouèst
Ref. sc. : Crepis albida Vill., 1779

Blad-dóu-diable(-di-long)

Aegilops cylindrica

Poaceae Graminaceae

Nom en français : Égilope cylindrique.

Descripcioun :
Aquéu blad-dóu-diable vèn de Turquìo e se pòu trouba d'eici d'eila dins li champ e lis escoumbre. Aleva noste relarg d'auto Prouvènço èi pulèu rare. Se recounèis à sa longo espigo que fai uno meno de cilindre de 4 mm de diamètre. Lis arèsto di glumo e di lemma soun courteto à la baso e loungarudo au soumet de l'espigo. Coumpara amé Aegilops ventricosa que ié sèmblo, mai que lis espigueto soun pu redouno.

Usanço :
Li blad-dóu-diable soun proche dis àvi fèr de nòsti blad cultiva. Soun adounc bon à manja, mai sara un pau long pèr n'en acampa li grano. Èron acampa en Sicilo à passa tèms.